Author Archives: Tibet in the Western World

About Tibet in the Western World

ནུབ་གླིང་གི་བོད བོད་ཡིག་འདི་ས་སྒང་ཟླུམ་པོ་འདིའི་ཐོག་མི་མངོན་པར་འགྱུར་ བར་མ་བཟོད་སྟབས། བོད་ཀྱི་ཡི་གེ་སྲུང་སྐྱོབ་དང་དར་སྤེལ། བོད་ཡིག་བེད་སྤྱོད་ཀྱི་ཁྱབ་རྒྱ་ཆེ་རུ་གཏོང་ཐབས་ཆེད། ནུབ་ གླིང་ནང་གནས་སྡོད་བྱེད་པའི་བོད་མའི་གནས་ཚུལ་དང་། བོད་ཀྱི་ རིག་གཞུང་བསྟི་གནས། བོད་དང་འབྲེལ་བ་ཡོད་པའི་གལ་གནད་ཁག བོད་ མིའི་འཚོ་བའི་སྐོར་སོགས། བོད་ཕྱི་ནང་གཉིས་སུ་ངོ་སྤྲོད་བྱ་ རྒྱུ་དམིགས་ཡུལ་བཅངས་ནས་ ༼ནུབ་གླིང་གི་བོད་༽ཅེས་པའི་གསར་ འཕྲིན་འདི་འགྲེམ་སྤེལ་བྱེད་བཞིན་ཡོད།

༧རྒྱལ་བ་ཡིད་བཞིན་ནོར་བུའི་སྐུའི་འཁྲུངས་སྐར་ལ་རོལ།

Posted in Uncategorized | མཆན་འདེབས།

བོད་ཀྱི་འབྲོག་ཁྱི་དང་འཛམ་གླིང༌།

ཚེ་རིང་དོན་གྲུབ། ཉིན་ཞིག་ལ་ཨ་རིའི་རྒྱལ་ས་ཝ་ཞིན་ཊོན་ནང་ཁྱི་ཚོང་འདུས་ཀྱི་བྱེད་སྒོའམ་འདུ་འཛོམས་ཤིག་ཏུ་སོང་བ་ཡིན། མཛད་སྒོ་དེའི་ཐོག་ཁྱི་བདག་མང་པོ་ཞིག་གིས་རང་ཉིད་ཀྱི་ཁྱི་ལ་མཛེས་ཆས་སྤྲས་པ་དང་བཟོ་ལྟ་དོད་པ། གཙང་སྦྲ་ཡག་པོ་བྱས་ཏེ་དཔྱིད་ཀྱི་གནམ་གཤིས་དྲོད་འཇམ་འདིའི་འོག་ཡར་འགྲོ་མར་འགྲོ་བྱེད་བཞིན་འདུག དེ་གར་བང་རིམ་ལྟར་སྒྲིག་པའི་གུར་ཆུང་དེ་དག་གི་ནང་ཁྱི་ཡི་རྒྱན་ཆ་དང༌། ཁྱི་ཡི་འདོགས་ཐག ཁ་ཟས། སྨན། རྩེད་ཆས། གདན། ཁང་པ། ཁྱི་ཡི་སྐོར་ལ་དཔེ་དེབ་སོགས་བཙོང་བ་དང༌། བཟོ་གྲྭའི་མི་ཚབ་དང༌། ལག་ཤེས་པ་མི་སྒེར། ཁྱི་ཡི་སྨན་པ། ཁྱི་ལ་སྦྱོང་བརྡར་སྤྲོད་མཁན་རྣམས་ཀྱིས་རང་ལ་གང་ཡོད་དང་རང་ཉིད་ཀྱིས་ཁྱི་ཡི་སྐོར་གང་ཤེས་པ་རྣམས་འགྲེལ་བརྗོད་ཀྱིས་ངོ་སྤྲོད་བྱེད་པ་དང་གཟིགས་སྟོན་གནང་བཞིན་འདུག སྤྱིར་ནུབ་གླིང་འདིར་མིའི་རིན་ཐང་ལ་བརྩི་འཇོག་དང་འགྲོ་བ་མིའི་ཐོབ་ཐང་བརྩི་སྲུང༌། རང་དབང་དང་དམངས་གཙོ་ནི་ཡོངས་ཁྱབ་ཀྱིས་སྤྱོད་བཞིན་པ་ཞིག་ཡིན་མོད། ནུབ་ཕྱོགས་པ་འདི་ཚོས་དུད་འགྲོ་ཁྱི་ལའང་རིན་ཐང་འདི་འདྲ་ཞིག་སྤྲོད་པ་དང༌། དོ་སྣང་ཆེ་ལ་མཁྱེན་རྒྱ་ཡངས་པ་འདི་དག་མཐོང་ཡོང་དུས། རང་ཉིད་སྐྱེས་སའི་གངས་ཅན་ཁ་བའི་ལྗོངས་ཏེ། བོད་ཀྱི་སྲང་ལམ་དང་འབྲོག་པའི་རྩྭ་ཐང་སོགས་སུ་བདག་མེད་ངང་འཁྱམས་པའི་ཁྱི་དང༌། དབྱར་ཁའི་ཚ་འོག་དང་དགུན་ཁའི་གྲང་ངར་ཁྲོད་གངས་ལྗོངས་བོད་ཀྱི་མཐོ་སྒང་དུ་འཚོ་སྡོད་བྱེད་པའི་བོད་ཀྱི་སེམས་ཅན་འབྲོག་ཁྱི་རྣམས་ཡིད་ལ་རང་དབང་མེད་པར་དྲན་ཞིང་སེམས་ལ་འཁོར་བ་ན། བོད་ཀྱི་ཁྱི་ཡི་སྐོར་ལ་བྲིས་བའི་རྩོམ་ཡིག་ཁ་ཤས་བཀླགས་ཏེ་ཞིབ་འཇུག་གི་ཚུལ་དུ་ཕྱོགས་བསྒྲིགས་བྱས་པ་ཡིན། བོད་ཀྱི་འབྲོག་ཁྱི་ནི་གཟུགས་ཕུང་ཆེ་ལ་དཀྱིལ་ཤར་ཨེ་ཤ་ཡའི་ས་སྒང་དང༌། རི་བོ། ཐང་གཤོངས། རི་བོ་ཧི་མ་ལ་ཡའི་འདབས་རོལ་གྱི་མཐོ་སྒང་མི་མང་དང་མཉམ་དུ་འཚོ་སྡོད་བྱེད་བཞིན་ཡོད་ལ། འབྲོག་ཁྱི་འདིའི་རིགས་རྒྱུད་ནི་ཁྱི་ཡི་རིགས་གང་ཞིག་ནས་མཆེད་པའི་གཞི་འཛིན་གྱི་ཡིག་ཆ་ཡིད་ཆེས་རུང་བ་ཞིག་མི་འདུག སྤྱིར་ཡིག་ཆ་ཁ་ཤས་ནང་གསལ་བ་ནི་”གནའ་བོའི་བོད་ཀྱི་འབྲོག་ཁྱི་ནི་སྤྱི་ལོ་སྔོན་གྱི་ལོ་ ༡༡༠༠ ཙམ་ནས་འཚོ་སྡོད་བྱས་ཡོད་པ་ཞིག་རེད”ཅེས་བརྗོད་འདུག་ལ། ལྷག་པར་དུ་གངས་ཅན་ཁ་བའི་ལྗོངས་ནི་དུས་རབས་མང་པོའི་རིང་ལ་ཁེར་རྐྱང་དུ་གནས་པའི་རྒྱལ་ཁབ་ཅིག་ཡིན་སྟབས། བོད་ཀྱི་འབྲོག་ཁྱི་ནི་ཧི་མ་ལ་ཡ་དང་བོད་ཀྱི་མཐོ་སྒང་གི་བརྒྱུད་དུ་ལྷག་སྟེ་འཚོ་སྡོད་བྱས་པ་ལས། འཛམ་གླིང་གི་ཡུལ་གྲུ་ཀུན་ཏུ་ཁྱབ་ཐུབ་མེད་པ་གསལ་པོ་གསལ་རྐྱང་རེད་འདུག བོད་ཀྱི་འབྲོག་ཁྱི་ལ་དམིགས་བསལ་གྱི་ས་ཆ་ཞིག་ཡོད་པ་ནི་ལོ་རྒྱུས་ཀྱིས་བདེན་དཔང་བྱས་ཡོད། དེ་ནི་རི་བོ་ཧི་མ་ལ་ཡའི་འདབས་འབྲེལ་གྱི་ས་ཁུལ་བལ་ཡུལ་དང་འབྲུག གངས་ལྗོངས་མདོ་དབུས་མཐོ་སྒང་བཅས་རེད། བོད་ས་མཐོ་རུ་འཚོ་བའི་འབྲོག་པ་རྣམས་ཀྱིས་འབྲོག་ཁྱི་འདི་སྦྲ་ཁྱིམ་དང་དགོན་སྡེ་སྲུང་ཆེད་སྒོ་འགྲམ་དུ་འདོགས་སྲོལ་ཡོད་ལ། འབྲོག་པ་མང་པོས་ཉིན་དཀར་ལྕགས་ཐག་དང་ཀོ་ཐག་གིས་བཏགས་ནས་མཚན་མོ་གློད་ཀྱི་ཡོད། … མུ་མཐུད་ཀློག

Posted in Uncategorized | མཆན་འདེབས།

བཀའ་བློན་ཁྲི་པ་བློ་བཟང་སེངྒེ་དང་བཀའ་ཟུར་ཀིརྟི་རིན་པོ་ཆེ་རྣམ་གཉིས་ཨ་རིའི་གྲོས་ཚོགས་ནང་ཕེབས་པ།

སྤྱི་ལོ་ ༢༠༡༡ ཟླ་ ༡༡ ཚེས་ ༣ ཉིན་བཀའ་བློན་ཁྲི་པ་བློ་བཟང་སེངྒེ་དང་བཀའ་ཟུར་ཀིརྟི་རིན་པོ་ཆེ་རྣམ་པ་གཉིས་ཨ་རིའི་གྲོས་ཚོགས་ནང་ཕེབས་ཏེ་ཊོམ་ལཱན་ཊོ་སིའི་འགྲོ་བ་མིའི་ཐོབ་ཐང་ལྷན་ཚོགས་སུ་བོད་དོན་ཉན་ཞིབ་གནང་བ་དང༌། སྐབས་དེར་བཀའ་བློན་ཁྲི་པ་བློ་བཟང་སེངྒེ་ཡིས་གསུང་བཤད་གནང་དོན། བྱབྱཊོམ་ལཱན་ཊོ་སིའི་འགྲོ་བ་མིའི་ཐོབ་ཐང་ལྷན་ཚོགས་ནང་བོད་དོན་ཉན་ཞིབ་ཀྱི་གོ་སྐབས་སྤྲད་པར་ཐུགས་རྗེ་ཆེ་ཞུ་རྒྱུ། འདི་ནི་ངས་བཀའ་བློན་ཁྲི་པའི་ཆབ་སྲིད་ཀྱི་ལས་ཁུར་བླངས་ནས་བཟུང༌། ཝ་ཞིན་ཊོན་དུ་ཡོང་བ་ཐོག་མ་དེ་ཡིན། ཊོམ་ལཱན་ཊོ་སིའི་ནི་ྋགོང་ས་ཏཱ་ལའི་བླ་མ་མཆོག་གི་བློ་ཐག་ཉེ་བའི་གྲོགས་པོ་ཞིག་དང་བོད་མི་དམངས་ཀྱི་སེམས་ནང་གི་དམིགས་བསལ་ཅན་གྱི་མི་སྣ་ཞིག་རེདབྱབྱ ཅེས་དང༌། རྒྱ་ནག་གཞུང་གིས་བོད་ནང་ཆོས་དད་རང་དབང་དང་བཙན་གནོན་སྐོར་ལ་གསུང་དོན། བྱབྱསྤྱི་ལོ་ ༢༠༠༨ ནང་བོད་མདོ་དབུས་ཁམས་གསུམ་ནས་རྒྱ་ནག་གཞུང་གི་སྲིད་བྱུས་ལ་ངོ་རྒོལ་སྐད་འབོད་གཞི་རྒྱ་ཆེན་པོ་བྱས་ཡོད་པ་དེ་ལ། རྒྱ་ནག་གཞུང་གིས་བོད་མིར་འོས་འཚམས་ཀྱི་སྲིད་ཇུས་ཤིག་སྤྲོད་རྒྱུའི་ཚབ་ལ་དྲག་གནོན་དང་དམ་དྲག་ཆེ་རུ་བཏང་སྟེ་བོད་མི་རྣམས་འུ་ཐུག་ཐབས་ཟད་ཀྱི་གནས་སུ་ལྷུང་ཡོད། བོད་ནང་ཆབ་སྲིད་ཀྱི་དྲག་གནོན་འོག་བོད་མིའི་སྲོལ་རྒྱུན་དང་སྐད་ཡིག ཁོར་ཡུག་སོགས་ལ་གཏོར་བཅོམ་དང༌། གཉའ་གནོན་མུ་མཐུད་དུ་བྱེད་བཞིན་ཡོདབྱབྱ ཅེས་དང༌། ད་དུང་བཀའ་ཁྲི་ཡིས་བོད་དོན་ཆེད་ཨ་རིའི་གཞུང་ནས་མུ་མཐུད་རྒྱབ་སྐྱོར་གནང་རྒྱུ་འབོད་སྐུལ་ཞུས་ཡོད། དེ་མིན་ྋགོང་ས་ྋསྐྱབས་མགོན་ཏཱ་ལའི་བླ་མ་མཆོག་གི་སྐུའི་ཡང་སྲིད་སྐོར་དང༌། ད་ལྟའི་བོད་ནང་གི་ཛ་དྲག་གི་གནས་སྟངས། བཙན་བྱོལ་བོད་མིའི་དམངས་གཙོའི་འཕེལ་རིམ་སོགས་ལ་འགྲེལ་བཤད་གནང༌། དེ་བཞིན་ཨ་རིའི་གཞུང་དམངས་གཉིས་ནས་བོད་མི་ཚོར་ད་བར་སེམས་ཐག་ཉེ་བོས་རྒྱབ་སྐྱོར་གནང་བར་བོད་མི་ཡོངས་ཀྱི་ཚབ་བྱས་ནས་བཀའ་དྲིན་ཆེ་ཞུས། ཐེངས་འདིའི་ཨ་རིའི་གྲོས་ཚོགས་ནང་འགྲོ་བ་མིའི་ཐོབ་ཐང་ལྷན་ཚོགས་སུ་ཀིརྟི་རིན་པོ་ཆེས་བོད་དོན་ཉན་ཞིབ་གནང་སྐབས་གསུང་དོན། ད་ལྟ་བོད་མི་གཞོན་སྐྱེས་ཚོས་རང་ལུས་མེར་བསྲེགས་བཏང་སྟེ་རྒྱ་ནག་གཞུང་ལ་ངོ་རྒོལ་བྱེད་དགོས་པ་དེ་ནི། རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱིས་བོད་ནང་བཙན་འཛུལ་བྱས་པ་ནས་བཟུང་བོད་མི་སྤྱི་དང་ལྷག་པར་བོད་མདོ་སྨད་རྔ་བ་ཁུལ་དུ་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱིས་སྤྱི་ལོ་ ༡༩༣༥ ལོར་དམར་དམག་རྒྱང་བསྐྱོད་ཆེན་མོའི་སྐབས་རྔ་བ་ཁུལ་དུ་སླེབས་ཏེ་བོད་མིའི་དགོན་སྡེ་ཁག་གཏོར་བཤིག་བཏང་བ་མ་ཟད། བོད་མི་མང་པོ་དམར་གསོད་བཏང་བ་སོགས་ཀྱི་བྱ་སྤྱོད་ལ་བརྟེན། བོད་མིའི་སེམས་ནང་རྨ་ཁ་ཆེན་པོ་བཟོས་ཡོད། དེ་རྗེས་རྔ་བ་ཁུལ་དུ་སྤྱི་ལོ་ ༡༩༥༨ ལོར་དམངས་གཙོ་བཅོས་བསྒྱུར་ཟེར་བ་དང༌། སྤྱི་ལོ་ ༡༩༦༦ ལོར་རིག་གནས་གསར་བརྗེ་སྐབས་རྔ་བ་ཁུལ་དུ་བོད་མི་མང་པོ་དམར་གསོད་བཏང་བ་དང༌། … མུ་མཐུད་ཀློག

Posted in Uncategorized | མཆན་འདེབས།

Posted in Uncategorized | མཆན་འདེབས།

ནུབ་གླིང་གི་བོད་འདོན་ཐེངས་གསུམ་པའི་འདྲ་པར།

Posted in Uncategorized | མཆན་འདེབས།

དུས་དབང་སྐབས་ཀྱི་༼ནུབ་གླིང་གི་བོད་༽གསར་འཕྲིན།

Posted in Uncategorized | མཆན་འདེབས།

ནུབ་གླིང་ནང་འཛམ་གླིང་འགུལ་སྐྱོད་ཀྱི་ཉིན་མོ་ཞེས་རྒྱ་ནག་གཞུང་ལ་ངོ་རྒོལ།

ནུབ་གླིང་དུ་གནས་སྡོད་བོད་མི་དང་བོད་དོན་རྒྱབ་སྐྱོར་གནང་མཁན་ཚོས་རང་ཉིད་གཏན་སྡོད་བྱེད་སའི་རང་དབང་རྒྱལ་ཁབ་ནང་བོད་ནང་རང་ལུས་མེ་བསྲེགས་ཀྱིས་རྒྱ་གཞུང་ལ་ངོ་རྒོལ་གནང་བཞིན་པ་དེར་གདུང་སེམས་མཉམ་སྐྱེད་དང༌། རྒྱ་ནག་གཞུང་གིས་བོད་ནང་དྲག་གནོན་བྱེད་པར་མཚམས་འཇོག འགྲོ་བ་མིའི་ཐོབ་ཐང་དང་རང་དབང་སྤྲོད་དགོས་པའི་འབོད་སྐུལ་སོགས་རྒྱ་ནག་གཞུང་ལ་ངོ་རྒོལ་གཞི་རྒྱ་ཆེན་པོ་ཞིག་བྱས་ཡོད་པ་རེད། སྤྱི་ལོ་ ༢༠༡༡ ཟླ་ ༡༠ ཚེས་ ༡༩ ཉིན་འདི་ག་ཨ་རིའི་རྒྱལ་ས་ཝ་ཞིན་ཊོན་དུ་ཡོད་པའི་རྒྱ་ནག་གཞུང་ཚབ་མདུན་དུ་བོད་མི་དང་བོད་དོན་རྒྱབ་སྐྱོར་བ་མང་པོ་འདུ་འཛོམས་ཀྱིས་རྒྱ་གཞུང་ལ་ངོ་རྒོལ་སྐད་འབོད་བྱས་པ་དང་ཆབས་ཅིག་བོད་ནང་རང་ལུས་མེར་བསྲེགས་གནང་མཁན་ཚོར་བསྔོ་བ་དང་སྨོན་ལམ་རྒྱ་ཆེར་གསུངས། དེ་བཞིན་དབྱིན་ཇིའི་རྒྱལ་ས་ལོན་ཊོན་དང་ཧཕ་རན་སིའི་རྒྱལ་ས་ཕ་རི་སི། བྷེལ་རྗེམ་གྱི་རྒྱལ་ས་སྤར་སིལ། ཨོ་སི་ཊི་ལི་ཡའི་གྲོང་ཁྱེར་སིན་སྒྲིན་ནིའི་སོགས་རྒྱལ་ཁབ་མང་པོའི་ནང་རྒྱ་གཞུང་ལ་ངོ་རྒོལ་ཤུགས་ཆེར་བྱས་འདུག ཟླ་ ༡༡ ཚེས་ ༢ ཉིན་བྱང་ཨ་རིའི་བོད་ཀྱི་གཞོན་ནུ་ལྷན་ཚོགས་ཀྱིས་བཀོད་སྒྲིག་འོག༼འབར་བཞིན་པའི་བོད། འཛམ་གླིང་འགུལ་སྐྱོད་ཀྱི་སྐད་འབོད།༽ ཅེས་པ་ཞིག་ཨ་རིའི་རྒྱལ་ས་ཝ་ཞིན་ཊོན་གྱི་རྒྱ་ནག་གཞུང་ཚབ་མདུན་དུ་འགོ་འཛུགས་བྱས་པ་དང༌། ཞི་རྒོལ་འདིར་ཨ་རིའི་མངའ་སྡེ་མང་པོ་ཞིག་ནས་བོད་མི་དང་བོད་དོན་རྒྱབ་སྐྱོར་བ་མང་པོ་མཉམ་ཞུགས་གནང་ཡོད་ལ། སྐབས་དེར་བོད་ཀྱི་གཞོན་ནུ་ལྷན་ཚོགས་ཀྱི་གསལ་བསྒྲགས་ནང་ རྒྱ་ནག་གིས་བཙན་གནོན་འོག་བོད་མི་རྣམས་དཀའ་སྡུག་ཚད་མེད་མྱངས་པ་དང༌། འདས་པའི་ཟླ་ཁ་ཤས་ནང་བོད་མིས་རང་སྲོག་བློས་བཏང་གིས་ངོ་རྒོལ་གནང་ཡོད། འདིར་ང་ཚོས་བཙན་བྱོལ་ནང་ཁོ་ཚོར་མྱ་ངན་གུས་འདུད་དང༌། བོད་རང་དབང་འཐབ་རྩོད་ཆེད་རྒྱ་གཞུང་ལ་ངོ་རྒོལ་སྐད་འབོད་ཀྱིས་འཛམ་གླིང་མི་མང་ལ་བོད་ནང་གི་ཛ་དྲག་གནས་སྟངས་དེ་ཤེས་རྟོགས་ཐུབ་ཆེད་འཛམ་གླིང་འགུལ་སྐྱོད་ཀྱི་སྐད་འབོད་བྱེད་བཞིན་ཡོད་ ཅེས་འཁོད་འདུག དེ་ནས་གོམ་བགྲོད་པ་རྣམས་ཀྱིས་སྐད་འབོད་གནང་བཞིན་རྒྱ་ནག་གཞུང་ཚབ་མདུན་ནས་འགོ་འཛུགས་ཀྱིས་ཕོ་བྲང་དཀར་པོའི་བར་གོམ་བགྲོད་བྱས་ཡོད་པ་རེད།

Posted in གསར་འགྱུར། | མཆན་འདེབས།

རི་མཐོན་པོ་དྲན་གླུ།

འཇམ་དབྱངས་ནོར་བུས་བརྩམས།                                 ཚེ་རིང་དོན་གྲུབ་ཀྱིས་བསྒྱུར། ངས་ཨ་རིའི་མངའ་སྡེ་ཁཱ་ལོ་ར་སྒྲའི་རྒྱལ་ས་སྒྲེན་བེར་གནམ་ཐང་དུ་རླངས་འཁོར་ལ་སྒུག་སྡོད་སྐབས། སྤྱིར་བཏང་གི་བོད་པ་གྲོགས་པོ་ཞིག་གིས་ཁ་པར་འབྱོར་སོང་ལ། ཁོས་བཤད་རྒྱུརདེ་ལྟར་མ་བསམ་པ་ཞིག་ལ། གཅིག་བྱས་ན་ང་རང་ནོར་སྲིད། ཨ་རིས་བོད་ནང་དུ་བོད་མིའི་འཇབ་དམག་ལ་སྦྱོང་བརྡར་ལས་རིམ་ཞིག་བསྐྱར་འཛུགས་བྱས་པ་ཡིན་ནམ་ཟེར། ངས་དེ་འདྲ་རྩ་བ་ཉིད་ནས་ཡོང་མི་སྲིད་པ་ཞིག་རེད། ང་རང་རོ་ཁིའེ་ནང་ཡོད་པའི་ཧཱལ་དམག་སྒར་ལ་འགྲོ་བཞིན་ཡོད་ལ་དེར་མཛད་སྒོ་་ཞིག་འདུག ཨ་རིའི་གསང་པའི་ལས་ཁུངས་ཀྱིས་གསང་པའི་ངང་སྦྱོར་བརྡར་སྤྲད་པའི་བོད་མི་རང་དབང་འཐབ་རྩོད་པ་སུམ་བརྒྱར་རྗེས་དྲན་ཆེད་ཟངས་ལྕགས་ལས་བཟོས་པའི་དྲན་གསོའི་བྱང་བུ་ཞིག་གཏན་འཇོག་གནང་གི་འདུག རྒྱ་མིས་བོད་བཙན་འཛུལ་བྱེད་སྐབས་ཁོ་ཚོའི་ནང་མི་མང་པོ་དམག་འཐབ་ཁྲོད་ཚེ་སྲོག་ཤོར་ཡོད་པ་རེད། ཅེས་ཁོ་ལ་འགྲེལ་བརྗོད་བྱས། གནམ་ཐང་ནས་ཧཱལ་དམག་སྒར་དབར་ཕལ་ཆེར་དུས་ཚོད་གསུམ་ཙམ་འགོར་བ་དང༌། ཡིན་ནའང༌། ཉི་འོད་ལྷམ་མེར་འཚེར་བས་རྒྱང་རིང་གི་རི་བོ་གསལ་པོར་མཐོང་བ་དང་འགྲུལ་བཞུད་འདི་སྤྲོ་སྐྱིད་ལྡན་པ་ཞིག་བྱུང༌། ང་རང་བསྟན་འཛིན་པ་སངས་ཀྱི་རླངས་འཁོར་ནང་འགྲོ་རྒྱུ་བྱས་ཡོད་པ་ལྟར། ངེད་གཉིས་དང་མཉམ་དུ་གྲོགས་པོ་ཁ་ཤས་ཀྱང་འདུག རླངས་འཁོར་ཤིང་སྦྱར་མ་དང་ཐང་ཤིང་གིས་ཁེབས་པའི་རི་བོར་འཛེགས་ཏེ་ཕྱིན་པ་ན། འཛེར་ཤིང་གི་ན་ཚས་གནོད་སྐྱོན་ཐེབས་པའི་ཐང་ཤིང་དེ་དག་གིས་ས་ཆ་དེར་སྐྱོ་ཉམས་མངོན་པར་བྱས་འདུག ཡིན་ནའང༌། སྦྱར་ཤིང་རྣམས་ཀྱི་ལོ་མའི་ཁ་དོག་འགྱུར་བའི་འགོ་བཙུགས་འདུག་ལ། ཟླ་གཅིག་ནས་ལོ་མ་རྣམས་མཛེས་སྡུག་ལྡན་པའི་མདོག་དམར་པོ་དང་སེར་པོར་འགྱུར་ངེས་རེད། ང་ཚོ་གཞུང་ལམ་ ༧༠ ཐོག་དུས་ཚོད་ཁ་ཤས་ཕྱིན་པ་དང༌། ཨ་རིའི་མགྱོགས་ལམ་ ༢༤ ཐོག་ཐོན་པ་ཡིན། དེ་ནི་རི་བོས་བཅད་པའི་དྲན་གསོའི་མགྱོགས་ལམ་བཅུ་པར་མིང་བསྒྱུར་བྱས་འདུག ཧཱལ་དམག་སྒར་ནི་ཕྱི་ལོ་ ༡༩༤༢ ལོར་འཛམ་གླིང་དམག་ཆེན་གཉིས་པའི་སྐབས་གསར་བསྐྲུན་བྱས་པ་དང༌། དེ་ནི་གཞི་རྩའི་དམག་ཁག་བཅུ་པའི་སྡོད་ཁང་ཡིན་མོད། དམག་མི་ཚན་ཁག་གཞན་ཚོར་དགུན་དུས་རི་འགོ་དམག་འཁྲུག་གི་སྦྱོང་བརྡར་དང༌། གངས་ཤུལ་སོགས་ཀྱི་སྦྱོང་བརྡར་མཐུན་རྐྱེན་སྤྲད་འདུག་ལ། དམག་ཆེན་མཇུག་སྒྲིལ་རྗེས་དམག་སྒར་ཆ་ཚང་སྒོ་བརྒྱབ་པ་དང་ཁང་པ་མང་པོ་དང་གན་མཛོད་རྣམས་གནས་སྤོ་་བྱས། ཕྱི་ལོ་ ༡༩༥༨ ལོར་ཨ་རིའི་ནང་བོད་མི་འཐབ་རྩོད་པ་ཚོར་སྦྱོང་བརྡར་སྤྲོད་རྒྱུར་གསང་པའི་ལས་འཆར་འགོ་བཙུགས་དུས། … མུ་མཐུད་ཀློག

Posted in རྩོམ་ཡིག, Uncategorized | 3 དཔྱད་མཆན།

ྋགོང་ས་ྋསྐྱབས་མགོན་ཏཱ་ལའི་བླ་མ་མཆོག་ཨ་རིའི་སྲིད་འཛིན་དང་གྲོས་ཚོགས་འཐུས་མི་ལ་མཇལ་འཕྲད།

    ཕྱི་ལོ་ ༢༠༡༡ ཟླ་ ༧ ཚེས་ ༡༦ ཉིན་ཨ་རིའི་སྲིད་འཛིན་ཨོ་བྷ་མ་མཆོག་གིས་ྋགོང་ས་ཏཱ་ལའི་བླ་མ་མཆོག་ཕོ་བྲང་དཀར་པོའི་ནང་གདན་ཞུས་ཀྱིས་ཐེངས་གཉིས་པའི་མཇལ་འཕྲད་སྐར་མ་ ༤༥ ཙམ་ལ་བཀའ་མོལ་གནང་བའི་སྐབས་སྲིད་འཛིན་ཨོ་བྷ་མས་ྋགོང་ས་མཆོག་གིས་བོད་ཀྱི་གནད་དོན་དེ་བོད་རྒྱ་གཉིས་སྨན་དབུ་མའི་ལམ་གྱི་ཐབས་ལམ་ཐོག་ནས་སེལ་ཐབས་གནང་བའི་བཞེད་ཕྱོགས་ལ་བསྔགས་བརྗོད་དང་རྒྱབ་སྐྱོར་ཤུགས་ཆེ་ཡོད་པའི་རྣམ་པ་བསྟན་ཡོད་པ་དང༌། བོད་མི་རིགས་ཀྱི་ཐུན་མོང་མ་ཡིན་པའི་ཆོས་དང་རིག་གཞུང༌། སྐད་ཡིག་བཅས་ལ་སྲུང་སྐྱོབ་བྱེད་རྒྱུའི་ཐད་རྒྱབ་སྐྱོར་ཤུགས་ཆེ་ཡོད་སྐོར་བསྐྱར་དུ་གསུངས་ཡོད་པར་མ་ཟད། ལྷག་པར་དུ་ྋགོང་ས་མཆོག་གིས་དབུ་མའི་ལམ་ལ་བརྟེན་ནས་བོད་རྒྱ་གཉིས་ཀྱི་དཀའ་རྙོག་སེལ་ཐབས་ཀྱི་མཛད་པ་དེ་ནི་ཧ་ཅང་གི་རླབས་ཆེན་ཞིག་རེད་ལ། ང་ཚོས་ྋགོང་ས་ཏཱ་ལའི་བླ་མ་མཆོག་གིས་དབུ་མའི་ལམ་གྱི་ཐོག་མུ་མཐུད་ཕྱག་ལས་གནང་བར་གུས་བརྩི་དང་རྒྱབ་སྐྱོར་བྱེད་ཀྱི་ཡོད་ཅེས་དང༌། ཡང་སྲིད་འཛིན་མཆོག་གང་ཉིད་ཀྱིས་དབུས་པའི་ཨ་རིའི་གཞུང་གི་གནད་ཡོད་མི་སྣ་ཚོ་རྒྱ་ནག་གཞུང་གི་མི་སྣ་དང་མཇལ་འཕྲད་ཀྱི་གོ་སྐབས་ནམ་བྱུང་ལ་བོད་ཀྱི་གནད་དོན་སྐོར་ཤུགས་ཆེན་པོ་བཤད་ཡོད་ལ། འབྱུང་འགྱུར་་ཡང་དེ་ལྟར་མུ་མཐུད་ཤོད་རྒྱུ་ཡིན་ཞེས་གསུངས་ཡོད་པ་རེད། ཕྱི་ལོ་ ༢༠༡༡ ཟླ་ ༧ ཚེས་ ༧ ཉིན་ྋགོང་ས་ྋསྐྱབས་མགོན་ཏཱ་ལའི་བླ་མ་མཆོག་ཨ་རིའི་མི་སེར་རྒྱལ་ཁབ་ཀྱི་སྲིད་དོན་སྤྱི་མཐུན་ཚོགས་པ་དང་དམངས་གཙོ་ཚོགས་པ་གཉིས་ཀྱི་སྐུ་ཚབ་གྲོས་ཚོགས་ཀྱི་ཚོགས་གཙོ་ཇོན་བྷོ་ཨེ་ནར་མཆོག་གིས་ཨ་རིའི་གྲོས་ཚོགས་ལ་ཇི་ལྟར་གསོལ་འདེབས་ཞུས་དོན་ལྟར་ཆིབས་བསྒྱུར་བསྐྱངས་ཏེ་་གྲོས་ཚོགས་འཐུས་མི་བདུན་ལ་མཇལ་འཕྲད་གནང་སྐབས་བོད་དང་རྒྱ་ནག་དབར་གྱི་གནད་དོན་ཐད་བ ཀའ་མོལ་གནང་ཡོད་ལ༌། འཐུས་མི་ཚོས་ཁོང་གི་འཚེ་མེད་ཞི་བདེའི་དགོངས་པ་ལ་བསྔགས་བརྗོད་དང་རྒྱབ་སྐྱོར་ཤུགས་ཆེ་གནང་ཡོད་པ་མ་ཟད། ཚོགས་གཙོ་མཆོག་གིས་གསར་འགོད་པ་ཚོར་ྋགོང་ས་མཆོག་ས་གནས་གང་ཞིག་ཏུ་ཆིབས་བསྒྱུར་བསྐྱངས་པ་ཡིན་ན་ཁོང་གིས་སྐུ་་ངལ་ཁྱད་བསད་ཀྱིས་བྱམས་བརྩེ་དང་བཟོད་བསྲན། འཚེ་བ་མེད་པ། དྲང་བདེན། རང་དབང་སོགས་འགྲོ་བ་མིའི་རིན་ཐང་གོང་མཐོར་གཏོང་རྒྱུར་ཐུགས་བརྩོན་གནང་གི་ཡོད་པ་སོགས་ཀྱི་མཛད་རྗེས་ལ་རིན་ཐང་གཙིགས་ཆེར་འཛིན་མཁན་ཨ་རིའི་རྒྱལ་ཁབ་ཀྱིས་ཡི་རང་བསྔགས་བརྗོད་ཞུ་བཞིན་ཡོད། བོད་མི་ཚོར་རྒྱབ་སྐྱོར་ཆོད་སེམས་ཀྱིས་སྲིད་དོན་ཚོགས་པ་གཉིས་གྲོས་ཚོགས་ཚོགས་ཁང་ནང་མཉམ་འཛོམས་ཐུབ་པ་བྱུང་ཡོད། འབྱུང་འགྱུར་ཡང་ཆབ་སྲིད་ཚོགས་པ་གཉིས་མཉམ་རུབ་ཀྱིས་དུས་ཡུན་ཇི་ཙམ་འགོར་མིན་ལ་མ་ལྟོས་པར་བོད་མིའི་རྩ་དོན་བསྒྲུབ་རྒྱུར་མུ་མཐུད་རྒྱབ་སྐྱོར་བྱེད་ཐུབ་པའི་རེ་བ་གནང་བཞིན་ཡོད་ཅེས་གསུངས་ཡོད་པ་རེད།

Posted in གསར་འགྱུར། | མཆན་འདེབས།

༼ནུབ་གླིང་གི་བོད།༽གསར་འཕྲིན་འདོན་ཐེངས་གཉིས་པའི་འདྲ་པར།

Posted in Uncategorized | མཆན་འདེབས།